من الهدف بنبلّش
بدك حركة أقوى بوقت الغدا؟ تعرّف الناس على صنف جديد؟ أو تعطي فرعك حضور أوضح بالمنطقة؟ بنحدّد معك هدفًا واحدًا للحملة، الجمهور اللي بدنا نوصله، وشو بيميز تجربتك عن الخيارات اللي حواليك
محتوى من مطعمك نفسه
بنخطّط يوم التصوير حول الأطباق، التحضير، طاقم المحل وتجربة القعدة، منكتب الأفكار والنصوص، منجهّز اللقطات وبنمنتج نسخًا تناسب الريلز والإعلانات، مع خطة نشر تخدم الرسالة بدل ما تضل الصفحة مجموعة صور أكل
من المشاهدة للاستفسار أو الزيارة
بنختار خطوة واضحة للزبون: تواصل على الواتساب، استفسار عن حجز، أو زيارة الفرع، وبنتفق على طريقة متابعة ممكن يطبّقها طاقم المطعم، مثل سؤال مصدر الطلب أو تسجيل حجوزات الحملة، حتى نقارن بالفترة اللي قبلها ونفهم شو تغيّر
تسويق المطاعم والكافيهات
كيف بنشتغل معك
بنحدّد نطاق العمل والتكلفة ومواعيد التسليم بعرض واضح قبل البداية
- هدف تجاري وجمهور ورسالة للحملة
- أفكار ونصوص وخطة تصوير داخل المطعم
- إنتاج محتوى وإدارة نشر حسب نطاق الاتفاق
- إدارة إعلانات Meta ومراجعة الاستفسارات المتاحة
شغل مرتبط بالخدمة
Kinza × Fresco
كينزا في Fresco — فكرة وتصوير ومونتاج
Zachi
فيديو منتج — تصوير ومونتاج
Rebucks
فرع الطيرة — محتوى افتتاح
أسئلة قبل ما نبلّش
هل لازم نعمل تخفيضات؟
مش بالضرورة، ممكن نبني الحملة حول طبق مميز، تجربة القعدة أو مناسبة زيارة، وإذا العرض بخدم الهدف بنراجعه معك حسب تكلفته وربحيته
هل ميزانية الإعلان ضمن أتعاب المكتب؟
ميزانية النشر المدفوع منفصلة عن أتعاب التخطيط والإنتاج والإدارة، ومنوضح المبلغ والنطاق بعرض العمل قبل البداية
كيف بتحدّدوا عدد الفيديوهات؟
حسب الهدف، عدد الفروع، وتنوّع الأفكار اللي بدنا نختبرها، بنحدّد المحتوى وأيام التصوير والتسليمات بعرض واضح، وبعدها بنتابع شو عم يجيب استفسارات مناسبة
05 دورك تحكي
شو القصة
اللي بدك
نحكيها سوا؟
براند جديد، حملة جايّة، أو مصلحة بدها خطوة لقدّام
احكِ لنا وين إنت، ووين حابب توصل